Kalaallit Nunaannit
silap pissusaa pillugu suliaqartuusoq 16-inik ukiulik COP27-mi
Nuummioq Maya-Natuk naapiguk – 16-inik ukioqarpoq, taamaattorli Kalaallit Nunaanni silap pissusaa pillugu suliaqartuusuni misilittagaqarnerpaat ilagilereersimavaat. Maannakkorpiaq Naalagaaffiit Peqatigiit Child Advisory Boardimi (Meeqqat Siunnersuisartuni) meeqqat nipaattut Maya-Natuk COP27-mi peqataavoq. COP27-mi meeqqat pisinnaatitaaffiisa silap pissusaa pillugu pisoqarfiusumi qanoq illersorneqarsinnaaneri ilanngussorneqarsinnaanerilu pillugit sassartitat oqallinneranni peqataasimavoq.
”Nammineq misilittakkakka tunngavigalugit oqaatigisinnaavara Kalaallit Nunaat sakkortoorujussuarnik silap pissutsimigut allannguutinik atugaqarsimasoq – tassaapput meeqqanut inersimasunullu aarleqquteqartitsisut. […] Maannakkut nipiliuuteqarnissarput pingaartuuvoq. Silap pissusaata allanngorneri uagutsinnut meeqqatsinnullu annertunerpaamik sunniipput. Uagutsinnillu – meeqqanik – paarinnittoqassasoq piumasaqaatigisariaqarparput,” Maya-Natuk COP27-mi oqalugiaammini tassani oqarpoq, tassanissaarlu nunarsuarmi naalagaaffinnut kaammattuutinik paasiuminartunik arlalinnik saqqummiussivoq (link til talen)
Silap pissusaa pillugu suliaqartoq inuusuttoq taanna aamma nunatsinni aamma nunat tamalaani tusagassiorfinni aggeqquneqakulavoq. Taiwanimiut pisimasulersaarutaanni, ”Melting Greenland”-imi meeqqat avatangiisuni isumannaallutillu toqqissisimanartuni alliartornissamut pisinnaatitaaffii oqaluttuarai.
Kingullertullu pisuni KNR-imi apeqqarissaarfigineqarpoq.
”Tassaavugut kinguaariit uagut tullinnguuttut silap pissusaata allanngornerinut akisussaaffimmik tigusinnittussanngortut. Ajunaarnersuillu meeqqatsinnut ingerlateqqinnianngilagut,” KNR-imut oqarpoq.
Maya-Natuup isumaani silap pissusaa pillugu suliaqartarneq, aamma meeqqat pisinnaatitaaffii sammisamit assingiimmit pilerfeqarput. Taamaalilluni NAKUUSA-p meeqqat pillugit siunnersuisartuini, Meeqqat Isummersorfiini, ukiuni arlalinni ilaasortaasimavoq. Ullumikkut peqataaffigaa Childrens Advisory Board, tassani Naalagaaffiit Peqatigiit Meeqqat pillugit Ataatsimiititaliarsuanik siunersuisooqataasarluni. Kingullertut pisuni nunanit 103-nit meeqqat 7.416-it akornanni taakku silap pissusaanut, silap pissusaata allanngornerinut aamma piujuartitsinermut isumaat pillugit apeqqarissaarussummik suliarinneqataasimavoq.