Meeqqat pisinnaatitaaffii meeqqanut paasiuminarsarlugit

UNICEF-ip meeqqat pisinnaatitaaffiisa ukiut 30-nngortorsiornerat 2019 tamakkerlugu malunnartippaa. Meeqqat pisinnaatitaaffii pillugit Isumaqatigiissut meeqqanut paasiuminarsaganngorlugut ilisarnaasersorneqarnerani Kalaallit Nunaanni meeqqat taaseqataasinnaasimapput maannalu taanna saqqummerpoq.

Meeqqat nunarsuaq tamakkerlugu meeqqat pisinnaatitaaffiisa titartakkanik kusanartunik qalipaatigissaartunillu ilisarnaaseersornerani meeqqat 2019-imi taaseqataanikuupput, aamma nunatsinni meeqqat. Oqaasertassaasa kalaallisut suliarinissaat UNICEF-ip allaffiani ukiaanerani ulapputigisimavarput, MIO-mit NAKUUSA-milu Meeqqat Isummersorfiinit ikiorneqarluta. Nuannaarutigeqaarput maanna meeqqanut atuaruminartunngorlugu meeqqat pisinnaatitaaffii pillugit isumaqatigiissut tamanut saqqummiussinnaagatsigu.

Meeqqat pisinnaatitaaffii paasiuminarsarlugit suliarineqarnerat Naalagaaffiit Peqatigiinni Meeqqat Pisinnaatitaaffii pillugit Ataatsimiititaliamit tapersersorneqarpoq, ataatsimiititaliaq tassaavoq aamma nunat meeqqat pisinnaatitaaffiinut misilitsikkaangata apersuisuusartoq. UNICEF-imut pingaaruteqarsimavoq kalaallisut suliaq aamma suliarissallugu nuannaarutigaarpullu MIO-mit NAKUUSA-milu Meeqqat Isummersorfiinit ikiorneqarluta naammassisinnaasimagatsigu.

Ukiuni 30-ni Meeqqat Pisinnaatitaaffii piuneranni angusarpassuusimapput sulili aamma Kalaallit Nunaanni pisinnaatitaaffiit tamaasa meeqqanut tamanut atuutsinnissaannut aqqut takivoq. Neriuppugut meeqqat pisinnaatitaaffii paasiuminarsakkamik suliaq meeqqanut inersimasunullu tamanut meeqqat pisinnaatitaaffiissa qanoq isumaqarnerannik isumaqatigiissummilu immikkoortut qanorpiaq isumaqarnerannik ersersitsissasoq.

Aajuk

Meeqqat Pisinnaatitaaffii meeqqanut paasiuminarsakkat kalaallisut uani aakkit:

Aajuk
Aajuk

Meeqqat Pisinnaatitaaffii meeqqanut paasiuminarsakkat danskisut uani aakkit – malugiuk immikkut Kalaallit Nunaanni Danmarkimilu suliaammata meeqqanit misissorneqarsimammata imarisai assigeeqqissaanngimmata:

Aajuk

PAASISSUTISSAT:

  •  Meeqqat Pisinnaatitaaffii pillugit Isumaqatigiissut Naalagaaffiit Peqatigiinni 1989-imi novembarip 20-ani angerfigeqatigiissutaasoq nunarsuatsinnu FN-imi isumaqatigiissutsit akornanni peqataaffigineqarnerpaajuvoq, Kalaallit Nunaata aamma 1993-imi isumaqatigiissummik akuerseqataavoq.
  • Kalaallit Nunaat Danmark Savalimmiullu peqatigalugit ukiut tallimakkaarlugit meeqqat pisinnaatitaaffiisa atuutsinnerannut Naalagaaffiit Peqatigiinni misilitsittarpoq.
    World Children’s Day tassaavoq Naalagaaffiit Peqatigiit nunani tamalaani Meeqqanut Ullorititaa.
  • Ukiut tamaasa ulloq taanna Naalagaaffiit Peqatigiit Meeqqanut Isumaqatigiissusiorsimanerat nalliuttorsiutigineqartarpoq, Isumaqatigiissut pilersinneqarmalli ukioq manna ukiuni 30-nngortorsiorpoq.