2023-mi ukiumoortumik nalunaarusiaq saqqummerpoq

UNICEF Kalaallit Nunaanni maanna ukioq pisoqarfiulluarsimasoq pillugu nalunaarusiani saqqummersippaa.

Ukioq 2023-mi Kalaallit Nunaanni Naalagaaffiit Peqatigiit Meeqqat Pillugit isumaqatigiissusiaasa atulerneranit ukiut 30-nngorlugit nalliuttorsiutigineqarpoq. UNICEF Kalaallit Nunaanni ulloq taanna nalliuttorsiornerani pulaartorpassuit nuimasut najuupput.

”Maani isersimasugut tamatta meeqqat tusarnaassallugit immitsinnut neriorsoqatigiitta aalajangiinernilu peqataanissaat qulakkeerlugu, meeqqallu toqqissisimallutik peroriartornissaasa anguniarnissaanik neriorsoqatigiitta. Tamannami iliuuserisinnaasatta annikinnersaraat,” Naalakkersuisut siulittaasuat, Múte B. Egede, tikilluaqqusilluni oqalugiaammini taama oqarpoq.

Taamani UNICEF Kalaallit Nunaanni suliniutini pisortaasoq, Maliina Abelsen, malillugu Kalaallit Nunaanni politikkikkut meeqqanik tusarnaarneq annertunerujartuinnarpoq. Meeqqanilli peqataatitsineq suli pikkoriffigileraluttuinnartariaqarparput:

”Kalaallit Nunaanni nunarsuaq tamakkerlugu nunat akornanni meeqqanik peqataatitsillaqinnerpaat ilaanniilersinnaavugut Naalakkersuisut anguniakkamut inersimasut meeqqat oqariartuutaannik tusarnaarnissamut anguniagartik pingaartippassuk,” UNICEF-imi 20. novemberimi World Childrens Day-ip malunnartinneranut atatillugu Maliina Abelsenip oqaatigaa.

Tamanna pillugu – allarpassuillu pillugit erseqqinnerusumik 2023-mi ukiumoortumik nalunaarusiami atuarsinnaavutit

Filmi ”Meeqqat pillugit isumaqatigiissut ukiuni 30-ni” uani takujuk