Meeqqat sorsunneq akerleriinnerillu pillugit imatut oqaloqatigikkit

Meerarpassuit toqqissisimanatillu annilaangalertarput tv-kkut telefonilluunniit igalaasartaatigut breaking newsit sungaartut, sakkunik, illunik aserornikunik tusagassiortunillu aatsulinnik aqerlunit pitagassaanngitsunik assitallit, sarsualeraangata. Taamaattoqartillugu apeqqutit puttallartarput meeqqallu inersimasunik oqaloqatiginninnissaminnik pisariaqartitsilertarput.

Inersimasutut meeqqanullu paaqqutarinnittutut sorsunnermut akerleriinnermullu tunngasut qanoq pitsaanersumik eqqartornissaat nalorninarsinnaasarpoq. Qanormi ililluta meeqqat pisunik– meeqqamut toqqissisimanartumik – eqqartueqatigisinnaavagut?

UNICEF uani oqaloqatigiinnissamut ajornakusoornartumut siunnersuutissaqarpoq: 

1. Meeqqap isumakuluutai tusarnaakkit

Alapernaallutik meeqqat suut tusarsimanerai takusimaneraalu apersuutigikkit tusagassiutitigullu initusut tamakku pillugit eqqarsaatersuutai apeqqutigalugit. Meeraq eqqarsaataanik nammineq oqaasertaliisiguk apeqqutissaalu tamaasa apeqqutigitillugit. Oqaloqatigiinneq killisiornermut saatsinnaveersaaruk paasititsigilli tusarnaarlutit.

2. Meeqqap misigissusai akuerikkit

Meeqqat eqqasuutiminnik oqaasinngortitsigaangamik iluaalltigisinnaavaat. Aamma naak inersimasuusugut apeqqutit tamaasa akisinnaanngikkaluarlugit. Meeraq oqaluttuuguk ornillutit annissuiffigimmatit naleqartillugu misigissutsillu atugai ingasattajaartutut isiginaveersaakkit.

3. Erseqqissuliorit

Takorluukkat aqukkuminaassinnaasarput. Taamaammat erseqqissuliarlutit akisarit. Unneqqariffigiuk, paasissutissalli pisariaqanngitsut peqqarniissinnaasullu apuunnissai mianersuutikkit. Erseqqissaatigiuk pisut Danmarkimit ulluinnatsinnillu ungasimmata.

4. Paasissutissat meeqqat ukiuinut avatangiisaannullu nalimmassakkit

Meeqqat sorsunnermik akerleriinnernullu oqaloqatiginninnissaminnut assigiinngitsunik aallaaveqarput. Ukiui, misilittagaat, ilisimasaat avatangiisaallu eqqarsaatigalugit. Oqaatsit atukkatit meeqqap ilisarisinnaasai paasisinnaasaalu atukkit. Aamma meeraqataasa ilaat nunani akerleriiffiusumeernersut eqqumaffigiuk. Oqaluttuutikkit meeqqanut taakkununnga piffissaq artornarsinnaammat, paasititsigillu qaqugukkulluunniit ornissinnaammatit atuaqatigiinni ikinngutigiinniluunniit pissanganartorsiornartoqalissagaluarpat.

5. Neriuummik tunisigit

Meeqqat oqaluttuutikkit ikiuiniartut UNICEFitut ittut meeqqat nunani akerleriiffiusuni ikiuimmata. Oqaluttuarit inoqarmat meeqqanik illersuillutillu sorsuffinni aporaannernik unitsitsiniaasunik.