MIO 2022-mi UNICEF-ip Nersornaataanik nersornaatisivoq
Ukiormanna UNICEF-ip Nersornaataa Kalaallit Nunaanni Meeqqat pisinnaatitaaffii pillugit Sullissivimmut MIO-mut tunniunneqarpoq, taassuma oqaluuserisani meeqqat atugarisaannik inissiiniarlunik pimoorullugu suliaqarnerminut nersornaat pissarsiaralugu.
Danmarkimi imaluunniit nunat tamalaani meeqqanut immikkut ittumik ukiuni arlalinni iliuuseqarsimasumut inummut, kattuffimmut imaluunniit suliffeqarfimmut UNICEF Danmarkip siulersuisuisa ukiut tamaasa nersornaat tunniuttarpaat. Ukiormanna UNICEF-ip Nersornaata Kalaallit Nunaanni Meeqqat pisinnaatitaaffii pillugit Sullissivimmut MIO-mut tunniunneqarpoq.
Kalaallit Nunaanni Naalagaaffiit Peqatigiit Meeqqat pillugit isumaqatigiissusiaanik ilisimasaqarnerup siammartinnissaa ukiuni qulini MIO-p sulissutigisimavaa. Misigisanik paasinnittaaseqartumik ilumoorfiginnittumillu Kalaallit Nunaanni meeqqat inuusuttullu silarsuaannik oqaasertaliinermi piviusutut pilersitat sukumiisumillu angalasarnerit nalunaarusiorneri aqqutigalugit MIO peqataaqataasimavoq.
Taamaalilluni 2022-mi UNICEF-ip Nersornaataa suliaqartumut ukiorpassuit ingerlanerini Kalaallit Nunaanni assigiinngussummik pilersitseqataasimasumut tunniunneqarpoq, Maliina Abelsen, Kalaallit Nunaanni UNICEF-imi suliniutinut pisortaq, UNICEF Danmarkip siulersuisui sinnerlugit nersornaammik tunisisisoq erseqqissaavoq:
”MIO Kalaallit Nunaanni meeqqat atugaannik pisinnaatitaaffiinillu assorsuaq sammisaqartitsilersimavoq. Meeqqat pisinnaatitaaffiisa pingaaruteqassusii uteqattaarfigalusigit sianigeqquasi, aammalu iliuuserisat nukittuut maannakkumullu tunngasut pilersuutigaasi – taakkulu meeqqanut, inuusuttunut, inersimasunut sullissivinnut saaffiginittuutippasi,” Maliina Abelsen oqarpoq.
Aamma meeqqanik inuusuttunillu MIO-p ilanngussuisarnera – aamma eqqartugassat artornaraangata – Maliina Abelsenip nersualaarutigaa. Periaaserlu sapiisertuullunilu kakkaginartuusutut nassuiarpaa.
2015-imiilli Aviâja Egede Lynge, Meeqqat Illersuisuattut MIO-mut sinniisuusimavoq. Nersornaat nuannaarutigalugulu tulluusimaarutigaa:
”UNICEF-imit nersornaataanera attortissutigaara, tamattami siunertap taamaaqataa sulissutigaarput. Assorsuaq uissuumminarlunilu annertoqaaq. Immitsinnut akuersarnissarput pingaartuuvoq, nersornaatillu matuma tamanna takutippaa,” Aviâja Egede Lynge oqarpoq.
UNICEF Danmarkip siulersuisuini salliutittagaq Jesper Lok, MIO-p ukiormanna UNICEF-ip Nersornaataanik pissarsisussatut toqqaanermut tunngavilersuuteqarpoq:
”MIO-p suliaqarnera Kalaallit Nunaanni meeqqanut inuusuttunullu amerlasuupilussuarnut tigussaasumik assigiinngissummik piliaqarsimavoq. Meeqqat inuusuttullu tusarneqarsinnaatilerpasi – aammalu taakku isumaat inersimasut isumaattulli taamaaqataanik pingaaruteqarnerannik ilinniartissimallusigit. Tamanna, isumarput malillugu, nersorneqartariaqartuuvoq,” Jesper Lok oqarpoq.
”UNICEF-imit nersornaataanera attortissutigaara, tamattami siunertap taamaaqataa sulissutigaarput. Assorsuaq uissuumminarlunilu annertoqaaq. Immitsinnut akuersarnissarput pingaartuuvoq, nersornaatillu matuma tamanna takutippaa”