Ukiumoortumik nalunaarusiaa

2022-mi Kalaallit Nunaanni meeqqat pisinnaatitaaffiinut suliaqarneq aqqummut eqqortumut saappoq. Naalakkersuisut periusissiamik nutaamik saqqummersitsinerminni Naalagaaffiit Peqatigiit Meeqqat Pisinnaatitaaffii pillugit Isumaqatigiissutaata atuutsinneqarnissaat sammivaat – tassanilu Meeqqaat Isummersorfii Kalaallit Nunaata meerartai sinnerlugit oqaaseqartartutut naqissuserlugit.

”Naalakkersuisut taama ittumik periusissiornerat, Inatsisartuniillu akuersissutigineqarnera pingaarutilerujussuuvoq nersugassaallunilu. Taassuma takutippaa meeqqat pisinnaatitaaffiisa atugarisaasalu suliniuteqarfigineqarnissaa politikkikkut piumasarineqartoq. Maanna oqaatsit iliuusinnguutsinneqarnissaat qilanaarissavarput – periusissiallu atuutsinneqarnissaa,” Maliina Abelsen, UNICEF Kalaallit Nunaanni Suliniutinut Pisortaq, oqarpoq.

Ukioq 2022-mi aamma Meeqqat Isummersorfii marloriarlutik ataatsimeersuarput, Kalaallit Nunaanni silap pissusiata allanngoriartornera sammillugu, taavalu UNICEF Kalaallit Nunaanni – suleqatitoqqat suleqatillu nutaat peqatigalugit – meeqqat toqqissisimanissaannik aamma pisinnaatitaaffiit tunuliaqutaralugit sinaakkusersorneqarnissaannik suliniuteqarnerput ingerlateqqippagut.

Nalunaarusiatsinni tamanna pillugu paasisaqarnerugit – allarpassuillu pillugit aamma atuarlutit.

”Naalakkersuisut taama ittumik periusissiornerat, Inatsisartuniillu akuersissutigineqarnera pingaarutilerujussuuvoq nersugassaallunilu. Taassuma takutippaa meeqqat pisinnaatitaaffiisa atugarisaasalu suliniuteqarfigineqarnissaa politikkikkut piumasarineqartoq. Maanna oqaatsit iliuusinnguutsinneqarnissaat qilanaarissavarput – periusissiallu atuutsinneqarnissaa.”
Maliina Abelsen