UNICEF Danmark for alle verdens børn

Uagut – Oqaluttuassartarput, suliassarput naleqartitagullu

UNICEF Kalaallit Nunaanni

Meeqqatut inuunerissaarneq

Nunarsuaq tamakkerlugu meeqqat atugaasa pitsanngorsaaviginissaat UNICEFip sulissutigaa. Aamma Kalaallit Nunaanni.

UNICEF 2011-miilli Kalaallit Nunaanni sulilerpoq piffissamilu tassani meeqqat atuarfianni atuartut kalaallit akornganni pisinnaatitaaffinnik ilisimasaqassusaat assorsuaq annertusisimavoq. Kalaallit Nunaannili suli suliassaqaqaaq, meeqqat pingajorarterutaat tikillugit amerlassusillit inuunerissaartuunngillat.

UNICEF 2019-imi Kalaallit Nunaanni namminerisaminik allaffeqalerpoq.

UNICEFip Kalaallit Nunaanni allaffeqarnermigut meeqqat pisinnaatitaaffii pillugit, meeqqat inuunerissaarnerunissaat Naalagaaffiillu Peqatigiit Meeqqat pillugit Isumaqatigiissutaat meeqqanillu isiginnittariaasaat pillugit meeqqat inersimasullu ilisimasaqarnerulernissaat pillugu sullissinini ataavartunngorlugu ingerlanniarpaa.

NAKUUSA

Namminersorlutik Oqartussat qanimut suleqatigalugit 2011-imi UNICEFip suliniut NAKUUSA pilersippaat, Naalagaaffiit Peqatigiit Meeqqat Pisinnaatitaaffii pillugit Isumaqatigiissutaanni eqqortuutitat naleqartitallu ilisimaneqarnerulernissaat pingaarnertut tassani anguniagaavoq, taamaalilluni atuutsilernissaannut pitsaasumik nukittuumillu toqqammaveqalernissaq siunniunneqarpoq.

Suliniut NAKUUSA aqqutigalugu UNICEF Kalaallit Nunaanni annertuumik angusarissaareerpoq, taamaakkaluartoq annertunerusumik iliuuseqarlutalu suliniuteqarsinnaavugut. Nunarsuatsinni meeqqanut suliniaqatigiiffiit annersaattut Kalaallit Nunaanni peqataaffigisussaavarput sunniuteqarfigisussaallugulu meeqqat inuuginnarsinnaanissaat, pisinnaatitaaffiisa ataqqineqarnissaasa atuutsinneqarnissaasalu qulakkeerneqarnissaat anguniarlugu, tassami meeqqatut inersimasutullu inuunerissaarnissamut taakkua qulakkeerinnittussaammata.

Børn hopper i luften

NAKUUSA 2011-imi pilersinneqarmalli kalaallit meerartaat amerlanerujussuit pisinnaatitaaffimminnik ilisimasaqarnerulersimapput soorlu tusarneqarnissaminnut tunngasutigut.
© UNICEF/Bang

Oqaaseqartartoqarneq nukittorsaasoq

NAKUUSA nuna tamakkerlugu sulivoq sumiiffinnilu aalajangersimasuni paasissutissiissutinik suliaqartarpoq, meeqqat peroriartornerminni toqqissisimasumik avatangiiseqarnissaat qanoq anguneqarsinnaanersoq pillugu siammerterisarpoq, taamaaliornermigut angajoqqaat inersimasullu isiginneriaasiannut nikisitsillunilu isumassarsititsisinnaasarluni.

Kalaallit Nunaanni sumiiffiit ilaanni sumiginnaanerit nalinginnaasutut isiginiarneqalersimasut ajoraluartumik misissuinikkut paasisimavarput, paasissutissat atuartitsinerillu aqqutigalugit NAKUUSAp suliniuteqarnermini inuiaqatigiinni inuit tamarmik Meeqqat Isumaqatigiissutaanni immikkoortunik annertunerusumik malinninnerulernissaat anguniarpaa.

Tunngaviusumik pisinnaatitaaffiit tamavimmik minitaqaratik meeqqanut tamavinnut tunngasuupput. Meeqqat tamaviisa immikkoortitaannginnissamut illersussallugit naalagaaffik pisussaaffeqarpoq.
Meeqqanut Isumaqatigiissut, Immikkoortoq 2: Naligiissitaaneq immikkoortitaannginnissamullu illersuineq

Kalaallit meerartaasa isumaannik siaruarteriffik

NAKUUSAp qitiusumik suliaasa ilagaat meeqqanik peqataatitsineq aalajangeeqataatitsinerlu, tassa UNICEFip nunarsuarmi sulinermini pingaartilluinnagaa. Kalaallit Nunaanni nuna tamakkerlugu meeqqat isummersorfiat pilersinneqareerpoq, inuusuttut illoqarfinni nunaqarfinnilu assigiinngitsuneersut ilaasortaaffigisaannik, taamaalillunilu nunarujussuaq tamakkiisumik sinniisoqartinneqarluni.

Meeqqat Isummersorfiat suliniummi siunnersuisutut inissisimavoq, NAKUUSAmuunnaanngitsoq – suliniutitsinnut tamanut Isummersorfiup pimoorusseqaluni iliuusai tusagassiuutinit marlunnaavigineqartaqaat aammalumi kalaallit politikeriinit innuttaasuniillu maluginiarneqartaqaat. Meeqqat Isummersorfiat naalaarneqartarpoq.

NAKUUSA.

NAKUUSAp meeqqanut suleqatigiiffia, Kalaallit Nunaannit tamarmit meeqqat sinniisoqarfigisaat, Kalaallit Nunaanni meeqqat pitsaasumik inuuneqarnissaat pillugu suliami pingaarutilimmik sunniuteqarlunilu inissisimaffeqalersimavoq.
© UNICEF/Bang

Læs her historien bag unicef. Unicefs værdier og vision for alle verdens børn

Oqaluttuassartarput, suliassarput naleqartitagullu

Oqaluttuassartarput: Sorsunnersuup aappaata kingorna aallartippoq

”Nunarsuup siunissaanut neriulluarneq kinguaariit takkuttussat akisussaaffigaat”. Oqaatsit taakkua atorneqarput, Naalagaaffiit Peqatigiit ataatsimeersuarnerminni 1946-mi UNICEF pilersikkamikku. Kattuffik utaqqiisaagallartumik atuutissasoq eqqarsaataasimagaluarpoq, Europami Japanimilu meeqqat atugarliortut nerisassaqarnissaat immussaqarnissaallu qulakkeerniarlugu pilersinneqarluni. Meeqqat aniguillutik inuuginnarnissaat, inuiaat nunaasa aseruatiteriffiusimaqisut sanaqqinnissaat, pitsaanerusumillu siunissaqarneranik upperinnittoqalernissaata pinngortinneqarnissaa anguniagaalluni.

Kingusinnerusukkut Naalagaaffiit Peqatigiit aalajangiuppaat UNICEF nunarsuaq tamakkerlugu meeqqanik sanngiitsumik inissisimasunik sullissisuussasoq. Sorsuttoqarsimallunilu ajunaarnersuaqarsimanerit kisiisa aallaaviginagit, aammali akiuussutissanik nakorsaasiisarnissaq, allatigullu ungasinnerusoq eqqarsaatigalugu peqqinnissaqarnikkut ikiuisoqartarnissaa, taamaalilluni qulakkeerniarneqartassalluni sumiiffinni inuiaqatigiit nukittunerit siunissamilu nammineersinnaanerulernissaat anguniarlugu suliniartoqarnissaq. Ullumimut taamatut sulivugut.

Pinartumik ikiuigasuartarluta ungasinnerusorlu eqqarsaatigalugu aaqqiissutissanik ikiuisarluta.

UNICEF hjalp børn, der havde brug for en udstrakt hånd efter Anden Verdenskrig. © UNICEF/UNI41895/Unknown

Suliassaq: UNICEFip nunarsuarmi meeqqat tamaasa ikiussavai

UNICEF suliniaqatigiiffittut kattuffiuvoq, nunarsuarmi nunat tamalaat isumaginnittussanngorlugu meeqqat inuuginnarsinnaanissaannut qulakkeerinnittussatut inuunerminnilu ingerlalluarlersinnaanissaannut pilersitaat.

Meeqqat sanngiinnerusumik inissisimasut siulliullugit pingaartillugillu ikiortarpagut, taakkuinnaanngitsulli. UNICEFip nunarsuatsinni meeqqat tamaviisa sullittussaavai. Naalagaaffiit Peqatigiit Meeqqat pillugit Isumaqatigiissutaat najoqqutaavoq, iliuutsillu tamavimmik nammineerlutik tapeerusuttunik aningaasalersorneqarput.

Naalakkersuisoqarfiit allaffiini UNICEF aqqutigalugu meeqqat isumaat apuunneqartarput, meeqqallu sumiluunniit najugaqaraluarpata ikiortarpagut, sorsunnerit ajornerpaat ajunaarnersuillu ajornerpaat pitillugit inuunerannik annaassisussaatitaavugut. Meeqqat annaattarpagut, anaanaminni naartuuneranniit inersimasutut inuulernerat tikillugu.

UNICEFs mission er at sikre, at alle børn får en fair chance. © UNICEF/UN0207984/DEJONGH

Ukiut 70-it ingerlaneranni kinguneqarluartunik sulisimavugut, taamaalillutillu ullumikkut meeqqat amerlanerit inuuginnarsinnaalersimapput, ilinniagaqarlutik isumannaatsumillu peroriartorsinnaalerlutik.

Naleqartitat: Meeqqat tamarmik naapertuuttumik periarfissinneqassapput

Meeqqat nukissaqarluartutut peqataatinneqarnermikkullu sunniuteqartussatut immikkullu kinaassuseqartutut isigaagut. Meeqqat tamarmik inuuginnarsinnaanissaat, inuuneqarluarnissaat, atuarnissaat ilinniagaqarnissaat, persuttaaffiunngitsumi kangutsaatsuliorfiunngitsumilu inuunissaat, nunarsuarmilu piujuartinneqartumi, minguitsumi toqqissisimanartumilu inuunissaat ilungersuutigalugit sulissutigaagut.

Imminut ikiorsinnaanngortitsisumik ikiuineq upperaarput. Naleqquttumik eqqarsaatigilluakkamillu periuseqarluni ikiuinissarnissaq, ilungersunarsinnaasullu uteqqittartut sillimaffigisarnissaat upperaarput. Pinartumik ikiuinissaq siunissamut ungasinnerusumut periuseqarnissaq ilanngullugu suleriaaseraarput. Ajunaarnersuaqarneratigut suujunnaarsitat sanaqqikkaangatsigit suli pitsaanerusumik sanasarnissaat pingaartitaraarput. Periuserlu taanna taasarparput: ‘Build-back-better’.

5-årige Seif-ed-Dien er fra Syrien. Børn som ham gør alt, hvad de kan for at opretholde deres skolegang på trods af krigen. © UNICEF/UN041539/anonymous